Јас сум малата вила Добрила! Ова запче кое го носам во рацете е за малата Бисера. Таа е многу паметно и вредно дете. Ги слуша советите на заболекарот и е најдобар другар со пастата и четката. Затоа нејзините заби се бели и сјајни како бисери. Но не беше се така! Пред неколку месеци Бисера беше скарана со четката, со пастата, со овошјето.  Нејзини најдобри другари и беа чоколадите, бомбоните и лижавките. Еве ќе ве препуштам на мојот другар забчето Веселко нека ви  раскаже што се случи........

Здраво! Јас сум Веселко. Денес ќе ви раскажам како Бисера со своето невнимание го разболе нејзиното запче.

Бисера се храни многу лошо и се однесува неодговорно кон своите заби. Таквото однесување еден ден ќе му наштети на нејзините заби.

И ете дојде и тој ден кога однесувањето на Бисера ги разболе нејзините запчиња.

Бисера доби забоболка. Нејзината посета кај стоматолог е неизбежна.

Стоматологот работи во стоматолошката амбуланта. Со него заедно работи и  медицинска сестра. Да ја погледнеме неговата амбуланта!

Послушајте ги советите на нашиот стоматолог! Тие ќе ви помогнат да си ги заштитите вашите заби.

Значи во вашиот живот имате млечни  и стални заби. Бисера е во период кога нејзините заби се менуваат, таа сега има и млечни и стални заби затоа треба да биде внимателна. Многу треба да внимава како се исхранува и колку често  и правилно ги мие забите.

Забите се мијат најмалку два пати во денот. Наутро кога ќе станете потребно е да ги измиeте своите заби за да го освежите вашиот здив.

Навечер пред да си легнувате треба да ги измиете вашите заби за да не остануваат остатоци од храна и да се појавуваат оние лоши и штетни шеќери и ви ги нагризуваат забите. Ако сакате да имате бели и сјајни заби тогаш треба да ги миете и после секое јадење.

Од нашата работилница

Во нашата работилница учествуваше нашиот стоматолог Др. Славица Бојчиноска.