Денот мириса на пролет, убав, топол, сончев. Развигорецот си поигрува со младите штотуку испупени ливчиња на гранките од дрвјата, сонцето нежно  ги гали круните на цветчињата кои се нишаат како бранови по пролетното ветре. А таму некаде во ливадата заедно со својата енциклопедија едно дете занесено ја чита својата енциклопедија.   

Па тоа е нашиот Дарио.  Ќе одлетам до него  да видам како можам да му помогнам. Здраво Дарио! Имаш убава енциклопедија! Сигурно читаш нешто многу интересно во неа? 

Еј! Здраво Маја!  Токму на време се појави! Имам една задача која ми ја даде наставничката но не ќе можам сам да ја завршам. Ќе ми помогнеш? 

Секако Дарио! Затоа и долетав до тебе!

На часовите по природни науки учиме за растенија, какви видови растенија има, како се делат растенијата.... Наставничката ни раскажа дека растенијата според начинот на размножување се поделени на семени и бессемени растенија. Јас добив задача да истражувам за бессемените растенија. Ја листам мојата енциклопедија но не се снаоѓам баш најдобро. 

    Имам идеја Дарио!  

Ќе го повикаме мојот другар Папратко од твојата енциклопедија. Тој најдобро ќе ни раскаже за него и неговата фамилија.

Здраво! јас сум Папратко! Ќе ви раскажам се за мене и за моето семејство. 

Јас сум растение од фамилијата бессемени растенија! Моите најблиски роднини се мововите , кои исто така како и нас се дел од фамилијата бессемени растенија.

Нашето латинско име е Filicophyta.   Нашата  еволуција започнува пред повеќе од 300 милиони години, за време на карбониферниот период кога на површината на земјата растеа примитивните дрвја, првите влекачи и секако првите шуми што беа населени  претежно од  нас папратите.

                                                                                                                                                                                   ЕВОЛУЦИЈА!?!?!?! Што е тоа еволуција?

                   Еволуција  е промена на карактеристиките на живите  организми  преку генерациите.

                     Или тоа значи како  сме се менувале низ времето.  

 Ние, папратите,  сме најпримитивните растенија  што постојат денес, толку многу  сме стари  што сме ја  делеле територија со едно од најмоќните животни што Земјата некогаш ги видела: диносаурусите. Во тоа време поволната клима ни овозможуваше да растеме со огромна височина, наликувавме на вистински џинови. За  среќа на човекот, овие влекачи исчезнаа пред милиони години, но благодарение на нашата  прилагодливост денес ја красиме вашата градина, тераса дури и внатрешноста на вашиот дом ако добро не одржувате.

Ние, папратите, имаме корен, стебло и лисја што ги нарекуваме реси.   Лисјата се поделени на ТРОФОФИЛИ,  тоа се лисја кои не произведуваат спори но вршат фотосинтеза и СПОРОФИЛИ - лисја кои создаваат спори и се задолжени за нашето размножување. Во нашата внатрешност има  низа садови или канали низ кои циркулира сокот. Нашиот  корен  ја исполнува функцијата на апсорпција на хранливи материи и влага во почвата, кои се пренесуваат преку стеблото   дури и во лисјата. Покрај тоа, хранливите материи добиени во лисјата за време на фотосинтеза, се носат  до корените.

Обично живееме  во тропски и суптропски региони каде е многу топло и влажно, под сенката на дрвјата и другите поголеми растенија и во области каде влажноста е голема. Ние сме  растенија на кои ни  е потребна блага клима, сенка и висока влажност. Од оваа причина, нема да не најдете во пустини или савани.

                 Еве дојдовме и до мојата омилена фотографија каде можете да видете како сум пораснал.

                     Ја нареков ЖИВОТЕН ЦИКЛУС.                        

Се сеќавате на спорофилите? Е тоа е овој лист кој е на мојата фотографија. Тој е исклучиво задолжен да создава СПОРИ кои ни овозможуваат да се размножуваме и да опстојуваме долги години затоа што спорите можат да преживеат и во неповолни услови. Секоја реса од задната страна има создадено СПОРАНГИУМ  - нешто како капсула, во која се сместени многу спори. Кога спорангиумот ќе пукне од него се расејуваат спорите, кои можат да паднат тука во непосредна близина на стариот папрат или од ветерот да бидат однесени некаде далеку на друго место.     

      За подобро да го разберете мојот животен циклус ќе ви помогне мојот пријател микроскопот. Тој ќе го зголеми неколку пати спорангиумот и спорите во него, така поубаво ќе ме видите кога сум бил многу мал.

Се надевам дека беше интересно да слушнете за мојот живот. Сега ќе го оставам моето ново другарче Дарио со Маја да го завршат нивното истражување а јас морам да одам кај моето семејство. 

Довидување!!

                                                                                                                                            ОД НАШАТА РАБОТИЛНИЦА!